TNA nima va o'quv ehtiyojini qanday aniqlash kerak
TNA inglizcha Training Needs Analysis, ya'ni o'quv ehtiyojlarini tahlil qilish. Bu trening o'tkazishdan oldin "xodimlarga aynan nima yetishmayapti?" degan savolga javob topish jarayoni.
Nima uchun TNA kerak
Ko'rsatkich pasayganda birinchi taklif odatda "trening o'tkazaylik" bo'ladi. Lekin sabab bilim emas, balki jarayon, vosita, motivatsiya yoki rahbarlik uslubi bo'lishi mumkin. Noto'g'ri tashxis asosidagi trening vaqt va byudjetni sarflaydi, lekin muammoni hal qilmaydi.
TNA'ning uch darajasi
- Tashkilot darajasi: biznes maqsadlari va strategiya. Kompaniya nimaga erishmoqchi?
- Vazifa darajasi: lavozim talablari. Xodim nimani bilishi va qila olishi kerak?
- Xodim darajasi: haqiqiy daraja bilan talab o'rtasidagi farq. Kim nimani bilmaydi?
Ma'lumot yig'ish usullari
- So'rovnoma va interv'yu
- Ish jarayonini kuzatish
- Test va amaliy topshiriqlar
- Ko'rsatkichlar va hisobotlar tahlili
- Rahbarlar bilan suhbat
Ehtiyojni qadam-baqadam qanday aniqlash, qanday savollar berish va natijani qanday hisobotga aylantirish kursda amaliy topshiriq bilan ko'rsatiladi.
Mavzuni kursda amaliyot bilan o'rganing
TNA "L&D noldan" kursining 3-darsida amaliy topshiriq va tayyor instrument bilan o'rganiladi.
Ko'p so'raladigan savollar
TNA har safar kerakmi?
Kichik, takrorlanuvchi treninglar uchun qisqartirilgan shakli yetadi, lekin yangi katta dastur oldidan to'liq tahlil o'tkazish foydali.
TNA natijasi qanday ko'rinishda bo'ladi?
Odatda qisqa hisobot: muammo, sabablar, auditoriya, tavsiya etilgan yechimlar va o'lchanadigan maqsad.